Vlam in die Sneeu: Die Liefdesbriewe van Andre P Brink en Ingrid Jonker

Op 29 April 1963 stuur die 29-jarige digter Ingrid Jonker ’n telegram aan André P. Brink. Sy bedank die 27-jarige skrywer vir blomme en ’n brief wat hy aan haar besorg het. In die meer as tweehonderd skrywes wat hierna tussen die twee volg, ontvou sekerlik die bekendste liefdesverhouding in die Afrikaanse literêre geskiedenis. Jonker se finale brief aan Brink is gedateer 18 April 1965 – drie maande voordat sy die see in loop by Drieankerbaai.

 

’n Halfeeu later word lesers se verbeelding steeds aangegryp deur die hartstog van dié teer, dikwels stormagtige verhouding.

 

In Desember 2014, drie maande voor sy dood, het André P. Brink die liefdesbriewe tussen hom en Ingrid Jonker vir publikasie aangebied. Die briewe is nog nooit voorheen gepubliseer nie en sluit onbekende persoonlike foto’s in.

 

Kliek hier om 'n  uittreksel te lees. 

 

Ook beskikbaar in Engels. 

 

'n Spesiale beperkte uitgawe van die publikasie Vlam in die sneeu: Die liefdesbriewe van André P. Brink en Ingrid Jonker is ook beskikbaar. Kliek hier om 'n bestelling te plaas. 

 

Besoek die amptelike webtuiste: www.flameinthesnow.co.za